යාපනය රෝහලේ සමුල ඝාතනය සැමරේ (VIDEO)

0
93

තිස් වසරකට ඉහතදී යාපනය රෝහල තුල පුද්ගලයන් 70 දෙනෙකුට වැඩි පිරිසක් සමුල ඝාතනය කිරීම අනුස්මරණය කර තිබේ.

1987 ඔක්තෝම්බර් 21 සහ 22 ශ්‍රී ලංකාවට පැමිණ සිටි ඉන්දීය සාම සාධක හමුදා විසින් වෙඩි තබා රෝහලේ සිටි ශ්‍රී ලාංකික දමිළ ජාතික රෝගීන්, හෙදියන්, වෛද්‍යවරුන් ඇතුළු රෝහලේ කාර්ය මණ්ඩලය සමුල ඝාතනය කරන ලදී.

ඉන්දීය සාම සාධක හමුදා විසින් කරන ලද වෙඩි තැබීම සිවිල් වැසියන් ඉලක්ක කොට ගෙන සිදුකරන ලද ප්‍රහාරයක් බවට මානව හිමිකම් සංවිධාන, විශ්ව විද්‍යාල ආචාරවරුන් හා ස්වාධීන නිරික්ෂකයන් චෝදනා කළේය.

යාපනය රෝහලේ 21 සෙනසුරාදා පැවති අනුස්මරණය රෝහල් සේවකයින් සහ ප්‍රහාරයෙන් මිය ගිය අයවලුන්ගේ ඥාතීන් සහභාගී වු බව සිලෝන් ජර්නල්ස් වාර්තාකරු පවසයි.

මිය ගිය අයගේ ඡායාරූප සහිතව රෝහලේ ඉදිකර ඇති ස්මාරකයට පුෂ්පදීප දල්වා අනුස්මරණය සිදු කර තිබේ.

LEAVE A REPLY