බැඳුම්කරේට ඇන්ජලෝ මැතිව්ස්ගේ නමත් පැටලෙයි

0
882

ශ්‍රී ලංකා ක්‍රිකට් පිලේ හිටපු නායක ඇන්ජලෝ මැතිව්ස් තම බෑණා වන පර්පෙචුවල් ට්‍රේෂරීස් සමාගමේ ප්‍රධානී අර්ජුන් ඇලෝසියස්ගේ මිත්‍රයෙකු දැයි බැඳුම්කර නිකුත් කිරීමේදී වංචා සිදුවී ඇතිද යන්න විභාග කරන කොමිසමේ ශ්‍රේෂ්ඨාධිකරණ විනිසුරුවරයකු හිටපු මහබැංකු අධිපති අර්ජුන මහේන්ද්‍රන්ගෙන් ප්‍රශ්න කර තිබේ.

හිටපු මහ බැංකු අධිපතිගේ පුද්ගලික සහකරුගේ ජංගම දුරකතනයෙන් අර්ජුන් ඇලෝසියස් වෙත යවන ලද කෙටි පණිවිඩ කිහිපයකම AM යනුවෙන් සඳහන් වන පුද්ගලයා කවුදැයි නොදන්නා බව අර්ජුන මහේන්ද්‍රන් විසින් පුන පුනා ප්‍රකාශ කිරීමෙන් පසු ජනාධිපති කොමිසමේ විනිසුරු ප්‍රසන්න සුජීව ජයවර්ධන විසින් එසේ ප්‍රශ්න කර ඇත.

කොමිසම හමුවේ පසුගිය සතියේ සාක්ෂි දෙමින් සිටි හිටපු මහබැංකු අධිපති ගේ අවධානයට කෙටි දුරකතන පණිවුඩ කිහිපයක් ලක් කරමින් අතිරේක සොලිසිටර් ජනරාල් දප්පුල ද ලිවේරා විසින් විමසා තිබුනේ ඒ මහේන්ද්‍රන් යනුවෙන් එහි සඳහන් සඳහන් වන්නේ ඔහු ගැනද යන්නයි.

හිටපු මහබැංකු අධිපතිගේ පුද්ගලික සහකාර ස්ටීව් සැමුවෙල් විසින් අර්ජුන් ඇලෝසියස්ට 2016 නොවැම්බර් 22දා එම පණිවුඩ යවා තිබුණු බවට චෝදනා කෙරෙන අතර එයින් පැවසෙන්නේ තම දරුවන් දෙදෙනා වන අර්වින්ද් හෝ අංජලී ඇතුළු කවරකු හෝ විය හැකි බව අර්ජුන මහේන්ද්‍රන්ගේ ප්‍රතිචාරය විය.

“මම දැන් කාර්යාලයෙන් යනවා. AM සහ RK ලිපිගොනු ඔබේ මල් පාරේ ගෙදරට බාරදීමටත්, අමාත්‍යාංශයේදී ඩිල්ෂාන් අල්ලාගැනීමටත් යනවා. ස්තුතියි” යනුවෙන් මේ අවුරුද්දේ ජනවාරියේ යවන ලදැයි අතිරේක සොලිසිටර් ජනරාල් ප්‍රකාශ කළ පණිවිඩයක් සඳහන්වේ.

ඉන් අනතුරුව කොමිසම හමුවේ කියවනු ලැබූ කෙටි පණිවිඩ කිහිපයකම AM යන්න සඳහන් විය.

“සිහි කැඳවීමයි: පව 5:30 ට AM සහ ලසන්ත සමග මල් පාරේ නිවසේදී,” යනුවෙන් තවත් පණිවිඩයක සඳහන් වන බව අතිරේක සොලිසිටර් ජනරාල් දප්පුල ද ලිවේරා කියා සිටියේය.

එවැනි රැස්වීමක් පිලිබඳ මතකයක් නැතැයි කී අර්ජුන මහේන්ද්‍රන් AM යනුවෙන් සඳහන් වන්නේ කා ගැනදැයි නොදන්නා බව ප්‍රකාශ කළේය.

“ඔබේ බෑණා ඇන්ජලෝ මැතිව්ස් ගේ යාලුවෙක් දැ?” යි විනිසුරු ප්‍රසන්න සුජීව ජයවර්ධන අසා ඇත්තේ එම අවස්ථාවේය.

කෙටි පණිවුඩ වල RK යනුවෙන් සඳහන් වන්නේ හිටපු මුදල් ඇමැති රවී කරුණානායක පිළිබඳවය යන අදහස ද හිටපු මහ බැංකු අධිපති ප්‍රතික්ෂේප කළේය.

LEAVE A REPLY