තම දරුවන්ට දෙමළ බසින් ඉගෙනිමේ අයිතිය ඉල්ලා වතු කම්කරුවන් පිරිසක් ශ්‍රේෂ්ඨාධිකරණයට

0
459

දහසකට අධික දෙමළ සිසු දරුවන්ට සිය මව් බසින් ඉගෙනීමට අවස්ථාව නොලැබීමෙන් තම මුලික අයිතිවාසිකම් කඩ වු බව පවසමින් වතු කම්කරුවන් පිරිසක් ශ්‍රේෂ්ඨාධිකරණයේ පෙත්සමක් ගොණු කර තිබේ.

දෙමළ දරුවන්ට මව් බසින් අධ්‍යාපනය ලැබීමට නොහැකි වීම නිසා අයිතිවාසිකම් කඩවීමට එරෙහිව පවරන ලද නඩුවේ පෙත්සම්කරුවන් වන කන්දයියා අරුණාසලම්, පාවඩේ චන්ද්‍රකාන්ති, විජයන් ශාන්ති සහ තංගවේල් රමණී දෙමළ දරුවන්ට තම මව් බසින් අධ්‍යාපනය ලැබීමේ අයිතිවාසිකම තහවුරු කරමින් ඒ සඳහා පාසලක් ලබා දෙන මෙන් නියෝග කරන ලෙසට මෙම පෙත්සම මඟින් ඉල්ලා ඇත.

මාතර දිස්ත්‍රික්යේ පස්ගොඩ සහ කොටපොල වතුකරයේ ජීවත්වන සිසු සිසුවියන්ගේ දෙමාපියන් පිරිසක් විසින් පෙත්සම ගොණු කල බවයි පෙත්සම්කාර පාර්ශවය වෙනුවෙන් පෙනී සිටින නිතිඥ ලක්ෂාන් ඩයස් සිලෝන් ජර්නල්ස් හා කියා සිටියේ.

ඔවුන් පවසන පරිදි ළඟම දෙමළ පාසල ඇත්තේ කිලෝමීටර් හතළිහක් පමණ දුරිනි.

දෙමළ සිසු සිසුවියන්ට අසාධාරණයක් සිදුවී ඇති බව අධිකරණය හමුවේ පිළිගත් නීතිපති දෙපාර්තමේන්තුව පවසා ඇත්තේ හදිසියේ දෙමළ පාසල් පිහිටුවීමේ හැකියාවක් නොමැති හෙයින් සිංහල පාසල් තුල දෙමළ පන්තියක් පිහිටුවීමට පියවර ගත හැකි බවයි.

කෙසේ වෙතත් මේ සම්බන්ධ රජයේ තීරණය නොවැම්බර් 15 දා දැනුම් දෙන ලෙස ශ්‍රේෂ්ඨාධිකරණය නියම කල බව නිතිඥ ලක්ෂාන් ඩයස් සිලෝන් ජර්නල්ස් වෙත කියා සිටියේය.

LEAVE A REPLY