මිල වැඩි කරත් දුම්බොන පිරිසේ අඩුවක් නැහැ

0
36

මිල වැඩි කලද සිගරට් පරිභෝජනය කරන පුද්ගලයන් ප්‍රමාණයේ වෙනසක් සිදු ව නොමැති බව සෞඛ්‍ය අංශ පවසයි.

සිගරට් පරිභෝජනය කරන පුද්ගලයන් ප්‍රමාණය අඩු නොවුනද දිනකට පාව්වි කරන සිගරට් ප්‍රමාණයේ අඩුවක් සිදු ව ඇති බවයි සෞඛ්‍ය අංශ සංඛ්‍යා ලේඛන පෙන්වා දෙන්නේ.

තම සංඛ්‍යා ලේඛනයන්ට අනුව සිගරට් විකිණිමේ අඩුවක් තිබෙන බව පවසන සිගරට් සමාගම එහෙත් පරිභෝජනය කරන පුද්ගල ප්‍රමාණයේ අඩුවක් දක්නට නොලැබෙන බවද කියා සිටී.

වාසිය රජයට

කෙසේ වෙතත් සිගරට් බදු වැඩි කිරිමේ වාසිය රජයට ලැබී ඇති අතර මිල ඉහල යාම අලෙවිය පහත වැටීමට තර්කයක් ලෙස ඉදිරිපත් කලද දුම්වැටි පරිභෝජනය පහත වැටීම මිල ඉහල යාමේ ප්‍රතිශතයට අඩු වේගයකින් සිදු වන බව ආර්ථික විද්‍යා සමීක්ෂන වලින් හෙළිව තිබේ.

මහ බැංකු වාර්තාවන්ට අනුව 2016 වසරේ දුම්වැටි සහ සුරාබදු අදායම් වලින් රජය උපයාගත් ආදායම රුපියල් බිලියන 8.7 කින් ඉහල ගොස් ඇති අතර එය අපේක්ෂා කල ආදායමට වඩා වැඩි වීමකි.

මේ වන විට සිගරට් වලට ආදේශක ලෙස නීති විරෝධි ලෙස මෙරටට ගෙන්වන සිගරට් සහ බීඩි පරිභෝජනයට ජනතාව යොමු වෙමින් පවතින බවයි සෞඛ්‍ය අංශ පෙන්වා දෙන්නේ.

 

LEAVE A REPLY