ලාස් වේගාස් නුවර වෙඩි ප්‍රහාරයෙන් 59 මරුට

0
64

ඇමරිකා එක්සත් ජනපද ලාස් වේගාස් හි පැවැත්වුණු එළිමහන් සංගීත සංදර්ශනයක් අතරතුර සිදු කළ වෙඩි තැබීමකින් අවම වශයෙන් පුද්ගලයන් 59 දෙනකු ජිවිතක්ෂයට පත්ව තවත් 527 දෙනකු පමණ තුවාල ලබා තිබේ.

ප්‍රහාරයෙන් මියගිය පිරිස අතරට පොලිස් නිලධාරීන් දෙදෙනකු ඇතුලත් වන බව ලාස් වේගාස් හි ෂෙරිෆ් නිලධාරී ජෝ ලොම්බාඩෝ පවසා ඇත.

ප්‍රහාරකයා ලෙස පොලිසිය විසින් නම් කළ 64 හැවිරිදි ස්ටෙෆාන් පැඩොක්, මැන්ඩලේ බේ හෝටලයේ 32 වැනි මහලේ සිට සංගීත සංදර්ශන භුමිය වෙත වෙඩි පහර එල්ල කර තිබේ.

පසුව ඔහු නිලධාරීන් අතින් ජිවිතක්ෂයට පත්ව ඇති අතර සැලකිය යුතු ගිනිඅවි ප්‍රමාණයක් හෝටල් කාමරය තුලින් සොයාගැනීමට හැකි වී ඇත.

ඇමරිකා එක්සත් ජනපද මෑත ඉතිහාසය තුල සිදු වූ දරුණුතම වෙඩි තැබීම මෙය බව එරට ආරක්ෂක අංශ පවසයි.

ලාස් වේගාස් හි සිදු වූ වෙඩි තැබීමට ගොදුරු වූවන්ට සහ ඔවුන්ගේ පවුල්වලට සිය කණගාටුව සහ ශෝකය පල කරන බව ට්විටර් සමාජජාලය ඔස්සේ පණිවිඩයක් නිකුත් කරමින් එරට ජනපති ඩොනල්ඩ් ට්‍රම්ප් පවසා ඇත.

LEAVE A REPLY