සැබෑ කලාකරුවා ජාතිවාදියෙකු නොවිය යුතුයි – මංගල සමරවීර

0
369

සැබෑ කලාකරුවා ජාතිවාදියෙකු නොවිය යුතු අතරම ඔහුට දේශ සීමාවන් ද නොතිබිය යුතු බව මුදල් හා ජනමාධ්‍ය අමාත්‍යවරයා පවසයි.

පණ්ඩිත් අමරදේව ශූරීන් සිංහල භාෂාවෙන් පමණක් ගීත ගායනා කළ ද ජාතිවාදියෙකු නොවූ බව මෙන්ම ඔහු ලක්දෙරණේ බිහිවූ ජනතාවාදී කලාකරුවෙකු බවට අමාත්‍ය මංගල සමරවීර කියා සිටියේ 28 සඳුදා “අමරදේව අසපුව” මංගල ශිලා ප්‍රතිස්ථානය වෙනුවෙන් පැවැති උත්සවයට සහභාගි වෙමිනි.

පණ්ඩිත් අමරදේවයන් විසින් රටට දායාද කළ සියලු දේ ඉතිහාසයට පමණක් සීමා නොවී අනාගතයේ දී ශ්‍රී ලාංකේය කලාකෙත අස්වැද්දවීමට අමරදේව අසපුව තුළින් හැකියාව ලැබෙන බවට අමාත්‍යවරයා විශ්වාසය පල කරයි.

පසුගිය කාලයේ දී ජනතාවාදී කලාව පමණක් නොව කලාකරුවාද රාජ්‍ය උදහසට ලක් වූ බව කී ඇමැති මංගල පණ්ඩිත් අමරදේවයන් ද ඉන් පීඩාවට පත් වූ බැවින් ඔහුගෙන් නව නිර්මාණ බිහි නොවීම පිළිබඳව කණගාටුව පල කළේය.

පණ්ඩිත් අමරදේවයන්ගේ දීර්ඝකාලීන සිහිනයක් අද යථාර්ථයක් බවට පත්වන බව පෙන්වා දුන් අමාත්‍යවරයා එයට දායක වීමට ලැබීම සතුටට කරුණක් බව මෙහිදී වැඩිදුරටත් පැවසීය.

 

LEAVE A REPLY