“හොරු ඇතුලට දාන්න” රන්ජන් අධිකරණ ඇමැති කම ඉල්ලයි (VIDEO)

0
12442

පසුගිය පාලන සමයේ දුෂණ වංචා චෝදනා ලබන පුද්ගලයන් නීතිය හමුවට පැමිණවීම ප්‍රමාද වන හෙයින් අධිකරණ අමාත්‍ය ධුරය තමන්ට ලබා දෙන ලෙසට රන්ජන් රාමනායක නියෝජ්‍ය අමාත්‍යවරයා අගමැතිවරයාගෙන් ඉල්ලීමක් කර තිබේ.

අධිකරණ අමාත්‍ය ධුරය සම්බන්ධයෙන් වැදගත් පුවතක් ලබන සඳුදා ලැබෙනු ඇති බවට නියෝජ්‍ය අමාත්‍ය අජිත් පී පෙරේරා අගමැතිවරයා සමඟ පැවති සාකච්ඡාවකින් අනතුරුව මාධ්‍ය හමුවේ විශ්වාසය පල කළේය.

අධිකරණ අමාත්‍යංශය බාර දිය යුත්තේ “හොරු සමඟ ඩීල් දමන” අයට නොව හොරු නීතිය හමුවට පමුණු වන සෘජු කොන්දක් ඇති කෙනකු බව කී ඇමති රන්ජන් “මම කිව්ව එක්කො ඒක ෆිල්ඩ් මාර්ෂල් සරත් ෆොන්සේකට දෙන්න නැත්නම් අජිත් පී පෙරේරාට දෙන්න බැරිම නම් මට දෙන්න,” යි මාධ්‍ය වෙත පැවසීය. “නියෝජ්‍ය ඇමැතිකම හරි දෙන්න මම ඇතුලට දාලා පෙන්නන්නම් පක්ෂ බේදයෙන් තොරව අපේ අයවත් ඇතුලට දාලා පෙන්නන්නම් කියල මම කිව්වා.”

පසුගිය සමයේ දුෂණ චෝදනා සම්බන්ධ නඩු සම්බන්ධව 17 බ්‍රහස්පතින්දා සිරිකොත මුලස්ථානයේදී පැවති එජාප කෘත්‍යාධිකාරි මණ්ඩලයේදී විශේෂ අවධානයක් යොමු වු බව පැවසු මුජිබර් රහුමාන් මන්ත්‍රීවරයා නීතිපති දෙපාර්තමේන්තුව හරහා ඒ සම්බන්ධව විධිමත් ක්‍රමයක් සැකසීම සම්බන්ධවද සාකච්ඡා වු බවද කියා සිටියේය.

එජාප පසුපෙල මන්ත්‍රීවරුන් අධිකරණ අමාත්‍ය විජයදාස රාජපක්ෂ කෙරෙහි විශ්වාසය කඩ වී ඇති බවට ඉදිරිපත් කළ යෝජනාව ඒකමතිකව සම්මත වු බව පැවසු අජිත් පී පෙරේරා නියෝජ්‍ය අමත්‍යවරයා හොරකමට එරෙහිව ඉක්මන් ක්‍රියාමාර්ග ගත යුතුය යන්න සියලු දෙනාගේ මතය වු බව ප්‍රකාශ කළේය.

LEAVE A REPLY