මාධ්‍ය වාරණ ඉල්ලීම ඉවතට, කොමදෝරු බන්ධනාගාරයට

0
389

තරුණයින් 11 දෙනෙකු පැහැර ගෙන ගොස් ඔවුන්ව නීතිවිරෝධී ලෙස රඳවා තබා ගෙන අනතුරුව අතුරුදන් කිරීම සම්බන්ධයෙන් විභාග වන නඩු විභාගය නඩුව මාධ්‍ය මගින් ආවරණය කිරීම වළක්වන ලෙස අධිකරණයෙන් ඉල්ලා ඇතත් එම ඉල්ලීම අධිකරණය ප්‍රතික්ෂේප කර තිබේ.

අදාළ සිද්ධිය සම්බන්ධ නඩුව 19 බදාදා කැඳවූ අවස්ථාවේදී විත්ති පාර්ශවය වෙනුවෙන් පෙනී සිටි නීතිඥයින් මෙම ඉල්ලීම සිදු කරනු ලැබු අතර එහෙත් එවැනි විකෘති කිරීමක් සම්බන්ධයෙන් වන තොරතුරු කරුණු සහිතව තහවුරු කිරීමට නීතිඥයින් අපොහොසත්වීම නිසා එම ඉල්ලීම ප්‍රතික්ෂේප කිරීමට කොටුව මහේස්ත්‍රාත් ලංකා ජයරත්න මෙනවිය තීරණය කළේය.

නඩු විභාගය පිළිබඳ තොරතුරු මාධ්‍ය වල පළවීමෙන් චුදිත නාවික නිලධාරීන්ට අගතියක් සිදුවන බව පවසමින් වාරණයක් පනවන මෙන් ඔහු වෙනුවෙන් පෙනී සිටින නීතිවේදියා කළ ඉල්ලීම හමුවේ පැහැරගෙන යාමට ලක්වූ තරුණයන් වෙනුවෙන් පෙනී සිටින නීතිඥ අචලා සෙනෙවිරත්න පෙන්වා දී ඇත්තේ එවැනි වාරණයක් පැනවීමට අධිකරණයට බලයක් නොමැති බවයි.

සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව මගින් අත්අඩංගුවට ගනු ලැබූ නාවික හමුදා හිටපු මාධ්‍ය ප්‍රකාශක, කොමදෝරු ඩී.කේ.පී දසනායක ඇතුලු සැකකාර නාවික නිලධාරීන් අගෝස්තු 02 වන දින දක්වා යළි රක්ෂිත බන්ධනාගාර ගත කරිමටද අධිකරණය නියෝග කර ඇත.

2008-2009 කාලයේ කොළඹ ප‍්‍රදේශයේ දී තරුණයින් 11 දෙනෙකු පැහැර ගෙන ගොස් ඔවුන්ව නීතිවිරෝධී ලෙස රඳවා තබා ගෙන අනතුරුව අතුරුදන් කිරීම සම්බන්ධයෙන් සිදු කරනු ලැබූ විමර්ශනවලට අදාළව ඉකුත් 12 වන දින මොහු අත්අඩංගුවට ගන්නා ලදී.

චුදිත නාවික හමුදා නිලධාරී චන්දන ප්‍රසාද් හෙට්ටිආරච්චි අත් අඩංගුවට ගැනීමේ වරෙන්තුවක්ද මහේස්ත්‍රාත් වරිය විසින් නිකුත් කර අතර නඩුවේ වැඩිදුර විභාගය අගෝස්තු 02 දා කැඳවීමට නියමිතය.

 

 

LEAVE A REPLY