කැටපේ ස්වාධීන රූපවාහිනියට, සැලසිනේ ශාන්ත බණ්ඩාරට

0
472

විමල් කැටිපෙආරච්චි ස්වාධීන රූපවාහිනියේ ක්‍රියාකාරී අධ්‍යක්ෂවරයා ලෙස පත් කර ඇති අතර සැලසිනේ රූපවාහිනී ආයතනයේ සභාපති, අධ්‍යක්ෂ මණ්ඩල සාමාජික ලෙස ක්ෂේත්‍රයේ දැවැන්තයෙකු වන ශාන්ත බණ්ඩාර ජයවර්ධන පත් කර ඇත.

ජනාධිපතිවරයාගේ ජනාධිපතිවරණය වෙනුවන් කල “රටකකට ඕනෑ අපමන අගයක් – හෙටකට ඕනෑ මෛත්‍රී යුගයක්” යන ගීතයේ පද රචකයාද කැටිපෙආරච්චි වේ.

ඔහු මාධ්‍යවේදීයකු, සමාජ දේශපාලන ක්‍රියාකාරියකු හා සාහිත්‍යවේදීයකු ලෙසද කටයුතු කරන්නෙක් මෙන්ම ස්වර්ණවාහිනියේ සහාය නිෂ්පාදකයකු, රන්ගිරි ශ්‍රී ලංකා ගුවන් විදුලියේ ප්‍රවෘත්ති සංස්කාරවරයකු ලෙස මෙන්ම ශ්‍රී fm හි නිවේදක සහ නිෂ්පාදකයකු ලෙස ද කටයුතු කර තිබේ.

ස්වාධීන රූපවාහිනියේ “සත්‍යාගාරය” වැඩසටහනේ රචකයා මෙන්ම එහි සංකල්පනාවද ඔහුගේ වන අතර නිදහස් මාධ්‍යවේදියකු ලෙස හිරු ටීවී හි “සලකුණ” වැඩසටහන ද මෙහෙයවනු ලබයි.

`ලංකා` ඉරිදා සංග්‍රහයේ හා `ජනරළ` ඉරිදා සංග්‍රහයේ දේශපාලන කර්තෘවරයා ලෙස ද වර්තමානයේ `සත්හඬ` සතිඅන්ත පුවත්පතේ විශේෂාංග කර්තෘවරයා ලෙසද කැටිපෙආරච්චි කටයුතු කරනු ලබයි.

ශාන්ත බණ්ඩාර ජයවර්ධන ජාතික තරුණ සේවා සභාවේ නිස්කෝ වීඩියෝ ආයතනයෙන් රූපවාහිනී මාධ්‍ය හදාරා ඇති අතර ටෙලිසිනේ ආයතනයේ ආචාර්ය ඩී.බී නිහාල් සිංහ යටතේ රූපවාහිනී මාධ්‍ය ක්ෂෙත්‍රයට අවතීර්ණ විය.

ස්වාධීන රූපවාහිනියේ නිෂ්පාදකවරයෙකු වශයෙන්ද සිරස රූපවාහිනී ආයතනයේ ආරම්භක සාමාජිකයෙකු ලෙස රස රිසි ගී හා අපි නොදන්න ලයිව් වැනි වැඩසටහන් හී නිෂ්පාදකවරයා ලෙස කටයුත් කළ ශාන්ත බණ්ඩාර ඉන්පසුව වෙළද දැන්වීම් ක්ෂේත්‍රයට අවතීර්ණ විය.

රූපවාහිනී වාර්තා වැඩසටහන් 100කට පමණද, වෙළද දැන්වීම් 100ට හා ගීත රූප රචනා 200කට වැඩි ප්‍රමාණයක් කර ඇති අතර මව්බිම පුවත්පතේ හද ගැස්ම අතිරේකයේ හා සත්හඩ පුවත්පතේ කැදැල්ල අතිරේකයේ නිර්මාතෘවරයාද වන්නේය ශාන්ත බණ්ඩාරය.

ප්‍රසන්න විතානගේ මහතා විසින් අධ්‍යක්ෂණය කළ පුරහද කළුවර චිත්‍රපටයේ සහය අධ්‍යක්ෂකවරයාද වු ඔහු විද්‍යාවේදී උපාධිරියෙකු හා ජන සන්නිවේදන ඩිප්ලෝමාධාරියෙකු වන අතර මේ වන විට හොරණ ශ්‍රීපාලි විශ්වවිද්්‍යාලයේ බාහිර කතිකාචාර්ය‍වරයෙකු වශයෙන් සේවය කරයි.

LEAVE A REPLY